Bupati Semarang H. Ngesti Nugraha Bebarengan Forkopimda Ziarah Makam Sunan Pandanaran Bayat

Bupati Semarang H. Ngesti Nugraha Bebarengan Forkopimda Ziarah Makam Sunan Pandanaran Bayat./foto.dok.pay/

 

EDISI KHUSUS KAMIS PON

KLATEN, Cakrainvestigasi.com — Bupati Semarang H. Ngesti Nugraha bebarengan kaliyan jajaran Forum Koordinasi Pimpinan Daerah (Forkopimda) nglaksanani ziarah dhateng makam Sunan Pandanaran ing Bayat, Kabupaten Klaten, dinten Kamis (5 Februari 2026).

Ziarah punika minangka bagéyan saking rangkaian pahargyan Hari Jadi Kabupaten Semarang kaping 505, uga minangka wujud nguri-uri tradhisi ruwahan, inggih punika tradhisi masyarakat Jawa kangge nyambut rawuhipun wulan suci Ramadan.

Rangkaian kegiatan kawiwitan kanthi doa sesarengan wonten ing kompleks makam Sunan Pandanaran, lajeng dipun tutugaken tabur kembang minangka pralambang pangajèn dhumateng salah satunggaling wali lan tokoh panyebar Agami Islam ing tanah Jawa.

Baca juga : Danlanal Yogyakarta Melu Kegiatan Nembak Dansat Pamen TNI AL Taun 2026 | 

Bupati Semarang H. Ngesti Nugraha ngendika bilih ziarah punika dados sarana refleksi lan pangeling dhumateng perjuangan para wali.

 “Ziarah menika boten namung minangka tradhisi, nanging ugi minangka sarana kangge ngélingi jasa para wali, mliginipun Sunan Pandanaran, ingkang sampun maringi tuladha dakwah kanthi cara tentrem, wicaksana, lan ngajeni budaya lokal,” ngendikanipun.

Panjenenganipun ugi nambahaken bilih ziarah menika dipun kajengaken saged nuwuhake semangat spiritual lan kebersamaan, mliginipun ing rangka nyambut rawuhipun wulan suci Ramadan.

 “Mugi lumantar ziarah lan doa sesarengan menika, masyarakat Kabupaten Semarang tansah dipun paringi berkah, wilujeng, lan saged nglajengaken pembangunan kanthi adhedhasar nilai-nilai religius lan kabudayan,” tambahipun.

Sakabèhing rangkaian kegiatan ziarah kalampahan kanthi khidmat, tertib, lan kebak suasana religius, saha pikantuk sambutan positif saking masyarakat lan para peziarah ing kawasan Makam Sunan Pandanaran Bayat. ( Pay ).